Now back to cricket!

So I still waitin on dis document bout dis tutition thing.

If ya’ll wan raise it at least leh we see wha ya’ll wan we do before we agree to pay

But come fuh tink bout it, I ain even tink we getting de chance to agree! Anyhow

I waitin’ cause I looking to send meh son next year and if ya’ll gon raise it, leh meh see if I got to sell more “doors”

I know I ain read de ting yet, but I hope dat with dis raisin’ thing dat certain priviledges we gon get

Like: power for students use dem computer. And de same thing in de library!

Like betta chairs and thing for de classrooms, like more opportunity to get a wuk! Afta UG

Like exchange programs so dat I could intergrate wid de first world students dat doing de same thing I doing, so dat I could be more… waz de word… “competitive” (ya’ll ain know I know big word nah)

Odda things like; getting meh grades on time, well not like a care now cause I graduatin jus now! But fuh meh people dem dat comin in. like lecturers gon start dey course on time and gimme de course outline before de first assessment. And plenty mo thing like dah.

So I ain wan talk no mo! I wan read dis thing and see wha benefits I gettin

Students wan know! I fed up hearin bout dis raisin fees thing, I WAN READ it!

I got to get like meh fren dat cuss up de UGSS president!

“do something! Cause ya only mekkin ya self a fool! A year near don and wha ya got to show? A party and protest? We ain’ vote fuh see duh!”

And yes! I know somebody gon come and talk a set ah stupidness fuh represent de president

Ah waitin fuh ya!

- Is nah me, is meh mouth

(Blaque)