Gym Lime

Prezzie doin he self man! De "something" lime @ de gym get all a dem lil children excited!

Food and drink give away!
Music, live band, projector with music video and thing

Prezzie ain goin down just so! He mekkin sure he get he people to vote fuh him dis next election.

We been and drink 2 mackenson look round de place lil bit then bruck out.

The scent of the GYM was starting to get to me! So I tell stewie leh we roll.
Nice idea fuh an activity, I think de gym shoulda get spray out or something fuss before we "lime" inside

And talkin bout "lime" somebody been in deh with a "BIG" scent! Whoever dat was they been curling deh scent instead of deh muscles! Shit!!

Some nice girls been to! A limited few but they were nice! They had to beat out too cause dey mother been callin dem and so.

But as to the ress a dem! Dem communication is problems! And another one been deh in a purple top got man doing she all kinda thing. Dem girl like dey aint like deh self!

So Prezzie! Leh a get some a duh money ya spenin nah? Cause like it really "pays" to be de president? I ain hear bout no notice dat ya went to the Admin fuh money fuh dis "something Gym lime" or whaeva it was! Or ya been in ya pocket fuh save face?

Party ain everything! Dem lil children like de party scene, but we wan see ya deal wid de issues! And get dem DONE!

So hype up de pickney dem! I hope dey de fuh save ya when de time come.

-is nah me, is meh mouth
(Blaque)