New bridge

I surprised dat de Revolutionaries ain don hop, skip and jump fuh seh dat dey "building bridge". Cause dey doan play fuh tek odda people praise ya know. Dey love attention!

Now i get a serious wire de odda day from dem boys. Rememba i doan deh infront so i doan know who is who or wha is wha, but i hear dat anodda man been doin de revolutionaires leg wuk last year.
Dem boys seh he look like beenie man, till now dey cyan pronounce de man name. But like he was de brains behind de revolutionaries. Den alll of a sudden dey bruk up. Nobody ain know how or why.

Last year time like dis was a real aggressive campaign. Ya couldn't a turn without some one of dem ppl in ya face. But anyway, dat is fuh anodda post. i come fuh talk bout bridge.


Ya'll wan know why dem building bridge now? cause just now is graduation. Every year is de same stupidness. Dey gon wait till a couple a weeks or something so to paint catwalk, and class and doan forget..."De stage" Every year, dey got t fix de lamp post and all kinda thing.

ya'll stop buyin cheap thing and wastin money. Admin, ya'll tryin fuh seh dat "EVERY YEAR!" ya'll got to fix a stage? EVERY YEAR ya'll got to paint something? EVERY YEAR MAN?
ya'll wastin money dat coulda been goin into better class rooms and so.

ya'll don't mek i go to de media to investigate ya'll spending habits.

- is nah me, is meh mouth
(Blaque)