…all BlAcK was a grand success cause hits an jams mek nuff money off ya’ll UG people. YeS! Everybody went an floss dey body, decked out in dey fancy “attire” dat nuffa dem ain even buy! An now de new week/month break and sum people ain got no passage fuh come to campus___well yuh know wuh yuh ga do?
WALK! To campus or Sheriff Street, whichever closer to you …
but on anodda note though, dis year really gone as quick as it come…
…2010 doin some wrap-up work already and jus now is time fuh nuff more drinkin an sportin up an shoppin an hustlin an bustlin an mistletoe an love makin an “cake in de oven bakin!”
YES! I talkin bout Christmas! Guyanese Christmas!!! Ain’t nuttin like it. Today I dun hearin dem cart man blastin de holiday music pun dey set…”cuz all I want for Christmas is you…!” BIG TUNE! Jus now de relatives dem cumin in from de cold, and don’t forget de Christmas barrel dem!…some people dun gone down by de wharf fuh uplift early o’ clock.
I dun know UG got big tings planned fuh de Season tuh. Prezzie gon throw a nice lil Christmas party fuh we by he office deh and share out some nice black cake and ginger beer n ting, (if he know wa good fuh he). And if UG know wa good fuh dem, dey gon close early dis year, cause me ain gon deh in no classroom pun Christmas eve writing no exam! I sorry! Dem an dey stupid semester break wa only apply to some…dey cudda tek da same week an add it on to de Christmas break, but nah!
Anyway…I can’t wait fuh me barrel dem and me remittances, I get nuff shoppin fuh do. Me ain know bout ya’ll but…I gotta feelin, dat dis year’s gonna be a GRAND year…!!!
Cuz Santa Claus is cumin to G/t!!!
Is nah me---is meh mouth!
Lazer
No comments:
Post a Comment